*Aksiya bo‘yicha Sovrinli o‘yinlar jadvali Tashkilotchi tomonidan O‘z.R qonunchiligida belgilangan dam olish va bayram kunlarini hisobga olgan holda, shuningdek Tashkilotchi yoki Buyurtmachiga bog‘liq bo‘lmagan holatlar yuzaga kelgan taqdirda o‘zgartirilishi mumkin.9.3 Texnik nosozliklar yuzaga kelgan taqdirda tashkilotchi g‘olibni aniqlash uchun saytni o‘xshash sayt bilan almashtirishga haqli.9.4 Sovrin g‘oliblarini aniqlash muddati tugagan, Haftalik/Bosh sovrin uchun o‘tkaziladigan o‘yin sanasiga kelib ro‘yxatdan o‘tgan Ishtirokchilar soni 9.4.-bandga mos kelmagan taqdirda, Sovrinning ehtimoliy G‘oliblarini aniqlash keyingi G‘olibni aniqlash davriga o‘tkaziladi, keyingi davrda taqsimlanishi lozim bo‘lgan Sovrinlarning umumiy soni oldingi davrda taqsimlanmagan Sovrinlar soniga ko‘paytiriladi. 9.5 Sovrinli o‘yinlarni o‘tkazish va g‘oliblarni aniqlash sanalarida Tashkilotchi asosiy g‘oliblarni va zaxira (muqobil) g‘oliblarni (keyingi o‘rinlarda “Muqobil g‘olib”) aniqlaydi. Har bir Sovrinli o‘yin doirasida Asosiy g‘oliblar soni Sovrinli o‘yin doirasida o‘ynalayotgan sovrinlar soniga teng bo‘lishi kerak.Har bir sovrinli oʻyin doirasida Muqobil gʻoliblar soni quyidagilardan iborat bo‘ladi:- Haftalik Sovrinli o’yin – 5 (besh) nafar ishtirokchi;- Bosh sovrinli o‘yin - 1 (bir) nafar ishtirokchi.Tashkilotchi, agar Asosiy g‘olib aksiya shartlarini buzgan yoki G‘olib aksiya shartlariga o‘zgacha tarzda mos kelmagan taqdirda, Asosiy g‘olibni almashtirish ehtimoli bilan Muqobil g‘oliblarni aniqlaydi. Aksiya Tashkilotchisi bunday Zaxira (Muqobil) G‘oliblar ro‘yxatiga kiritilgan Ishtirokchilarning ismlarini oshkor qilmasligi shart.9.6 Har bir Asosiy Gʻolib Aksiya Tashkilotchisining +998 20 008 08 40 raqamidan Asosiy Gʻolibning telefon raqamiga qoʻngʻiroq qilish orqali xabardor qilinadi.9.7 Haftalik sovrinli o‘yinlar o‘tkazilayotganda, Aksiya G‘olibining telefon raqami xizmat ko‘rsatish doirasidan tashqarida bo‘lsa, yoki Aksiya G‘olibi 72 soat ichida qo‘ng‘iroqqa javob bermasa, yoki Aksiya Tashkilotchisiga bog‘liq bo‘lmagan boshqa texnik sabablarga ko‘ra qo‘ng‘iroqqa javob bermasa, u holda G‘olib Aksiya tashkilotchisi qaroriga e’tiroz bildirish imkoniyatisiz g‘alaba qozonish imkoniyatini yo‘qotadi, Sovrin esa Muqobil da’vogarga qayta taqsimlanadi. Agar Muqobil da’vogar bilan bog’lanib bo‘lmasa, Sovrin keyingi Muqobil da’vogarga o‘tadi va shu tarzda davom etadi.9.8
Bosh sovrin uchun o‘yin o‘tkazilayotganda, Aksiya G‘olibining telefoni xizmat doirasidan tashqarida bo‘lgan yoki Aksiya G‘olibi uch marta qo‘ng‘iroqqa javob bermagan taqdirda yoki Aksiya Tashkilotchisiga bog‘liq bo‘lmagan boshqa texnik sabablarga ko‘ra qo‘ng‘iroqqa javob bermagan taqdirda G‘olib Aksiya tashkilotchisi qaroriga e’tiroz bildirish imkoniyatisiz o‘zining g’olib bo‘lish imkoniyatini yo‘qotadi. Sovrin esa Muqobil da’vogarga qayta taqsimlanadi. Agar Muqobil da’vogar bilan bog‘lanib bo‘lmasa, Sovrin keyingi Muqobil da’vogarga o‘tadi va shu tarzda davom etadi.9.9 1 (bir) nafar Ishtirokchi ushbu Qoidalarning 8.1., 9.2., bandlarida koʻrsatilgan shartlar va talablarni bajargan holda haftalik Sovrinli oʻyinlarida qayta-qayta ishtirok etishi mumkin.9.10
1 (bir) nafar Ishtirokchi butun Aksiya davrida 1 (bittadan) ortiq bo‘lmagan Bosh mukofotni olishi mumkin.10. SOVRINLARNI OLISH SHARTLARI/TARTIBI
10.1 Haftalik/Bosh sovrinni olish uchun G‘olib Operatordan xabarnoma olingan paytdan boshlab 5 (besh) kalendar kundan kechiktirmay Operatorga o‘zi haqidagi quyidagi hujjatlarni va (yoki) ma’lumotlarni taqdim etishi kerak (ushbu Qoidalarning 9.6. bandi):
10.1.1. G‘olibning familiyasi, ismi, otasining ismi (agar mavjud bo'lsa);
10.1.2. G‘olibning haqiqiy yashash joyi to‘liq va aniq manzili;
10.1.3. Amalda bo‘lgan pasportning, yoxud ID kartaning 2 (ikki) tomonlama fotosurati/skanerlangan nusxasi.
G‘olibning pasportida individual identifikatsiya raqami (IIR) bo‘lishi kerak;
10.1.4. Xorijiy fuqaroda IIN bo‘lmagan taqdirda, O‘z.R yashash uchun ruxsatnomani tasdiqlovchi hujjatda JShShIR ko‘rsatiladi;
10.1.5. G‘olib tomonidan imzolangan shaxsiy ma’lumotlarni Tashkilotchi/Operatorga topshirishga rozilikning foto/skanerlangan nusxasini (keyingi o‘rinlarda “Shaxsiy ma’lumotlarni uzatishga rozilik”) keyinchalik shaxsiy ma’lumotlarni Tashkilotchiga kuryerlik xizmati orqali topshirish va qayta ishlashga (Shaxsiy ma’lumotlarni Tashkilotchiga/Operatorga topshirishga Rozilik shakli Operator tomonidan Aksiya qoidalarining 9.6.-bandiga muvofiq xabarnoma doirasida oldindan taqdim etiladi) Rozilikning imzolangan asl nusxasini taqdim etadi.
10.2. Ushbu Qoidalar shartlarini bajarmagan Aksiya g‘olibi (Haftalik/Bosh) Sovrinlarni olish huquqini yo‘qotadi. Mazkur holatda, Aksiya Buyurtmachisi bunday Sovrinni o‘z xohishiga ko‘ra tasarruf etadi.
10.3. O‘z.R shaharlarida, shu jumladan Toshkent shahrida yashovchi G‘oliblarga Aksiyaning Haftalik/Bosh Sovrinlarini yetkazib berish ushbu Qoidalarning 10.1.2.-bandiga muvofiq, ma’lumotni aniqlashtirish/ hujjatlarni olish zarur bo‘lgan taqdirda esa – G‘olibdan 10.1.-bandda ko‘rsatilgan zarur ma’lumotlar (hujjatlar) olingan kundan boshlab, va mazkur Aksiya G‘olibi ushbu Qoidalarning barcha shartlarini bajargan taqdirda G‘olib tomonidan ko‘rsatilgan yashash manzili bo‘yicha haftalik sovrinlarni xarid qiladigan kompaniya tomonidan 25 (yigirma besh) kalendar kun ichida amalga oshiriladi.
Sovrinlarni yetkazib berish bo‘yicha barcha xarajatlar haftalik sovrinlar sotib oladigan kompaniya hisobidan amalga oshiriladi.
10.4. Aksiya Ishtirokchisi ushbu holatlar qachon ma’lum bo’lishidan qat’i nazar, quyidagi hollarda hech qanday kompensatsiya, shu jumladan tovon pulisiz qo‘lga kiritgan tegishli sovrinni olish huquqini yo‘qotadi:
10.4.1. agar Aksiya Ishtirokchisi unga tegishli sovrin topshirilgunga qadar ushbu Qoidalarni buzgan deb topilsa;
10.4.2. agar Aksiya Ishtirokchisi og‘zaki yoki yozma ravishda elektron aloqa vositasida sovrinni olishdan bosh tortganligini bildirsa;
10.4.3. Aksiya Ishtirokchisini aniqlashning imkoni bo‘lmagan taqdirda;
10.4.4. bunday G‘olib bilan bog‘lanish uchun 3 (uchta) muvaffaqiyatsiz urinishdan keyin;
10.4.5. G‘olib o‘z shaxsiy ma’lumotlarini Aksiya Tashkilotchisi/Operatoriga topshirishdan bosh tortgan taqdirda;
10.4.6. G‘olib ushbu Qoidalarning 10.1.-bandida ko‘rsatilgan barcha zarur ma’lumotlarni belgilangan muddatda taqdim etishdan bosh tortgan taqdirda.
10.5. Buyurtmachi/Tashkilotchi/Operatorning sovrinlarni topshirish bo‘yicha majburiyatlari tegishli sovrinlar kuryerlik xizmatiga jo‘natish uchun topshirilgan paytdan boshlab bajarilgan hisoblanadi. Buyurtmachi/Tashkilotchi/Operator kuryerlik xizmatining harakatlari/harakatsizligi uchun javobgar emas.
10.6. Sovringa egalik huquqi G‘olibga bunday sovrin topshirilgan paytdan boshlab o‘tadi, Aksiya G‘olibi o‘ziga tegishli Aksiya sovrinini sotish va undan foydalanish bilan bog‘liq barcha choralarni mustaqil ravishda amalga oshiradi.
10.7. Buyurtmachi/Tashkilotchiga bog‘liq bo‘lmagan sabablarga ko‘ra, shu jumladan, lekin quyidagilar bilan cheklanmagan holda 2024-yil 30-aprelgacha Sovrinni yuborish / Aksiya g‘olibi tomonidan uni olish imkoni bo‘lmasa:
-G‘olib tomonidan elektron pochta manzilining o‘chirib tashlanishi yoki elektron pochta manziliga kirish huquqining yo‘qotilishi;
-G‘olib tomonidan elektron pochta manzilining noto‘g‘ri ko‘rsatilishi;
- kompyuter tizimlari, pochta serverlari, Internet-provayder tarmog‘idagi to‘xtalishlar, nosozliklar, xatolar;
- Internetdagi to‘xtalishlar, xatolar va nosozliklar;
- internet, elektr ta’minotining yo‘qligi/bloklanishi;
- Aksiya G‘olibining pochta manzillari ko‘rsatilgan pochta xizmatlari va (yoki) saytlarining davlat organlari tomonidan bloklanishi, ularni ekstremistik va (yoki) terroristik deb topilgan taqdirda Aksiyaning bunday sovrini talab qilib olinmagan deb topiladi, tegishli G‘olib uni qaytarish talabini qo‘ya olmaydi va Aksiya Buyurtmachisi tomonidan o‘z xohishiga ko‘ra foydalaniladi.
10.8. Aksiya ishtirokchilari Aksiya o‘tkaziladigan butun davr mobaynida o‘z mobil raqamlari kiruvchi qo‘ng‘iroqlar va kiruvchi matnli xabarlar qabul qilinishini ta’minlash uchun javobgardir.
10.9. Aksiya sovrinini olish huquqi Aksiya g‘olibi tomonidan uchinchi shaxsga berilishi mumkin emas.
10.10. utib olingan sovrinni Aksiyaning boshqa sovrinlari bilan almashtirishga yo‘l qo‘yilmaydi (ushbu Qoidalarning 7.4., bandi bundan mustasno). Sovrinlarning pul ekvivalentini to‘lash amalga oshirilmaydi. Aksiyaning Haftalik va/yoki Bosh Sovrinlarini naqd pulga yoki boshqa ekvivalentga almashtirishga yo‘l qo‘yilmaydi. Sovrinlar qaytarib olinmaydi.
10.11. Aksiyadagi sovrinlar soni cheklangan va ushbu Qoidalarning 7-bo‘limida ko‘rsatilgan miqdordaniborat. Tashkilotchining Ishtirokchilar oldidagi sovrinlarni berish majburiyatlari ushbu Qoidalarning 7.2., 7.3., va 7.4.,-bandlarida ko‘rsatilgan Sovrin jamg‘armasining umumiy miqdori bilan cheklangan. Shu munosabat bilan, Aksiya Ishtirokchisi qandaydir kompensatsiya, shu jumladan pul ko‘rinishidagi kompensatsiya talab qila olmaydi.
10.12. O‘z.R Soliq kodeksining 369-moddasi 2-qismi 14-bandiga muvofiq, 30 kundan ortiq davom etgan ommaviy oferta bo‘yicha Aksiyada ishtirok etish doirasida yutuq olgan jismoniy shaxs daromad solig‘ini to‘lamaydi. Aksiya sovrinini olish, unga egalik qilish va tasarruf etish bilan bog‘liq holda G‘olibda yuzaga keladigan boshqa to‘lovlarni, O‘z.R (yoki) boshqa mamlakatlar byudjetiga yig‘imlarni, vositachilik haqini va boshqa qo‘shimcha to‘lovlarni to‘lash G‘olib tomonidan mustaqil ravishda amalga oshiriladi.
11. XARAJATLAR. JAVOBGARLIKNING CHEKLANISHI
11.1. Tashkilotchi ham, Buyurtmachi ham quyidagilar uchun javobgar emas:
11.1.1. Ishtirokchilar tomonidan Aksiyada ishtirok etish va (yoki) sovrinlarni olish bilan bog‘liq majburiyatlarning bajarilmasligi (o‘z vaqtida bajarmasligi) uchun;
11.1.2. Ishtirokchilarni Aksiya qoidalari bilan, shuningdek, o‘tkazilgan Aksiya natijalari bilan tanishtirmaganlik uchun;
11.1.3. Ishtirokchilardan xatlar, qo‘ng‘iroqlar va/yoki elektron xabarlar olmaganlik uchun, shu jumladan pochta xizmati, aloqa tashkilotlari aybi bilan, Aksiya o‘tkazilayotganda foydalanilgan Internet tarmog‘i va/yoki aloqa kanallarida texnik muammolar va/yoki firibgarlik natijasida;
11.1.4. Ishtirokchilardan Sovrinlarni olish uchun zarur bo‘lgan hujjatlar va/yoki ma’lumotlarni olmaganlik uchun (o‘z vaqtida olmaganlik uchun);
11.1.5. Ishtirokchilardan Aksiyani o‘tkazish va Sovrinlarni topshirish maqsadida zarur bo‘lgan bog‘lanish va/yoki boshqa ma‘lumotlarni, shaxsiy ma’lumotlarni noto‘liq va/yoki noto‘g‘ri olganlik uchun;
11.1.6. Aksiya Tashkilotchisi/Operatori aybisiz yuzaga kelgan uyali aloqa operatorlari, Internet- provayderlarining har qanday texnik to‘xtalishlari, nosozliklari, profilaktika ishlari va hokazolar uchun;
11.1.7. Aksiyada ishtirok etish va (yoki) Sovrinni olish bilan bog‘liq Ishtirokchi tomonidan sarflangan har qanday xarajatlar va (yoki) zararlar uchun;
11.1.8. yengib bo‘lmas kuch (fors-major) holati yuzaga kelgan taqdirda, shu jumladan COVID-19 tufayli favqulodda holat va/yoki sanitariya-epidemiologik cheklovlar/taqiqlar joriy etilganda.
11.2. Aksiyaning barcha Ishtirokchilari Aksiyada ishtirok etish bilan bog‘liq barcha va har qanday xarajatlarni (shu jumladan, va ushbu cheklanib qolmagan holda Internet tarmog‘idan foydalanish, Aksiya haqida istalgan ma’lumotni olish, Aksiya mahsulotini xarid qilish va sh.k., bilan bog‘liq xarajatlarni) mustaqil ravishda to‘laydilar.
11.3. Aksiya Operatori va (yoki) Tashkilotchisi va (yoki) Buyurtmachisi Aksiya sovrinlariga bo‘lgan huquq bilan bog‘liq har qanday nizolar uchun javobgar emas. Har qanday holatda nizolar bo‘yicha yakuniy qaror Buyurtmachi tomonidan qabul qilinadi va bunday qaror ustidan shikoyat berib bo‘lmaydi.
11.4. Mobil telefoni, uning raqami, elektron pochta manzili, Aksiya mahsuloti kimga tegishliligi bo‘yicha nizolar yuzaga kelgan taqdirda na Tashkilotchi, na Buyurtmachi va na Operator bahsga kirishmaydi. Barcha bunday nizolar nizo tomonlari o‘rtasida mustaqil ravishda va o‘z mablag‘lari hisobidan hal qilinadi.
12. SHAXSGA DOIR MA‘LUMOTLAR
12.1. Aksiyada ishtirok etish orqali Ishtirokchi O‘z.R qonunchiligida nazarda tutilgan, xususan O‘z.R 2019-yil 21-iyundagi O‘RQ-547-son “Shaxsga doir ma’lumotlar to‘g‘risida”gi Qonuni va ushbu Qoidalarda nazarda tutilgan hollarda va hajmda aniq va haqiqiy (ishonchli) ma’lumotlarni ko‘rsatishga, shuningdek, o‘z xohishiga ko‘ra va o‘z manfaatlarini ko‘zlab Operator, Tashkilotchi, Buyurtmachi, Texnik hamkor, ular tomonidan vakolat berilgan shaxslarga shaxsga doir va boshqa ma’lumotlarni to‘plash, qayta ishlash, uzatish, shu jumladan transchegaraviy uzatish, foydalanish, saqlashga roziligini bildiradi.
Aksiya ishtirokchilarining shaxsga doir ma’lumotlari ularga uchinchi shaxslarning ruxsatsiz kirishini istisno etgan holda ishonchli himoyalangan bo‘lishi kerak.
12.2. Aksiyada ishtirok etgan holda Aksiya Ishtirokchisi Tashkilotchi, Buyurtmachi, Texnik hamkor va ular tomonidan vakolat berilgan shaxslarga o‘zining shaxsga doir ma’lumotlari, oldindan yozma roziligi bilan, fotosuratlari, intervyulari, telefon raqamlari, e-mail va (yoki) u haqidagi boshqa materiallardan Buyurtmachining reklama va marketing maqsadlarida foydalanish huquqini beradi, xususan, va ular bilan cheklanmagan holda: Buyurtmachi, Tashkilotchi, Axborot hamkori va ular tomonidan vakolat berilgan shaxslarga Ishtirokchining ma’lumotlari va materiallarini hudud, vaqt va foydalanish usullari bo‘yicha cheklovlarsiz ommaviy axborot vositalarida, istalgan bosma nashrlarda e’lon qilish huquqi beriladi; bunday foydalanish uchun Aksiya Tashkilotchisi yoki Aksiya Buyurtmachisi tomonidan Ishtirokchiga hech qanday to‘lov amalga oshirilmaydi (qoplanmaydi).
12.3. Aksiyada ishtirok etgan holda har bir Ishtirokchi amal qilish muddati cheklamagan holda Buyurtmachi, Tashkilotchi va ular vakolat bergan shaxslar tomonidan SMS xabarlar, yangiliklar va boshqa axborot/reklama xabarlarini (tarqatmalarni) o‘z mobil telefoni raqamiga, e-mail manziliga qabul qilinishiga rozilik beradi.
12.4. Ishtirokchi istalgan vaqtda splat.havas@gmail.com elektron pochta manziliga tegishli yozma xabar yuborish orqali ushbu ma’lumotni olishni rad etishga haqli.
12.5. Ishtirokchilar Aksiyani o‘tkazish maqsadida ular tomonidan ixtiyoriy ravishda taqdim etilgan shaxsga doir ma’lumotlar va axborotlar Tashkilotchi va (yoki) Operator, va (yoki) Texnik hamkor, shuningdek ular vakolat bergan shaxslar tomonidan avtomatlashtirilgan vositalardan foydalangan holda qayta ishlanishiga rozilik beradilar.
12.6. Ishtirokchi istalgan vaqtda Qoidalarning 12.2.,-bandida ko‘rsatilgan roziligini bekor qilishga haqli. Ishtirokchining roziligi bekor qilinganligi to‘g‘risida xabarnoma olingan taqdirda, Tashkilotchi, Buyurtmachi va/yoki ular vakolat bergan shaxslar ushbu Ishtirokchining shaxsiy ma’lumotlariga ishlov berishni to‘xtatishadi va rozilik qaytarib olingan kundan boshlab o‘n ish kunidan oshmagan muddatda shaxsiy ma’lumotlarni yo‘q qiladi. Shu bilan birga, Ishtirokchining Aksiyada kelgusida ishtirok etishiga va Aksiya Sovrinlarini olishga yo‘l qo‘yilmaydi.
12.7. Shaxsga doir ma’lumotlar va axborotlarni qayta ishlash, to‘plash, uzatish, shu jumladan transchegaraviy, foydalanish, saqlashga Aksiya Ishtirokchisi tomonidan rozilik Aksiya o‘tkazish boshlangan kundan boshlanadi va 31.12.2024-yilgacha amal qiladi. Aksiya Ishtirokchilarining shaxsga doir ma’lumotlari va axborotlari O‘z.R qonunchiligi talablariga muvofiq maxfiylik shartlari asosida Qoidalarning ushbu bandida ko‘rsatilgan muddat tugagunga qadar saqlanadi va qayta ishlanadi, shundan so‘ng Ishtirokchilarning ma’lumotlari Tashkilotchi va (yoki) Buyurtmachi tomonidan yo‘q qilinishi kerak.
13. BOSHQA SHARTLAR
13.1. Aksiyada ishtirok etish orqali:
13.1.1. Ishtirokchi Aksiyani o‘tkazishning barcha qoidalari va ishtirok etish shartlari bilan tanishganligini hamda ularga to‘liq va so‘zsiz roziligini tasdiqlaydi;
13.1.2. Tashkilotchi va (yoki) Buyurtmachi va (yoki) Texnik hamkor tomonidan unga haq to‘lamasdan uning surati tasvirlangan fotomateriallar, intervyulari va uning ishtirokidagi boshqa materiallardan reklama va (yoki) Aksiya, Splat savdo belgisi taqdimoti maqsadida foydalanishga roziligini bildiradi;
13.1.3. Ishtirokchi Tashkilotchiga va (yoki) Buyurtmachiga va (yoki) Texnik hamkorga bunday materiallardan efirga uzatish va ommaviy namoyish qilish yo‘li bilan foydalanish huquqini, shuningdek ommaviy reklama va/yoki Aksiya va uning natijalarini, shuningdek, Splat tovar belgisi taqdimoti maqsadida va boshqa nomutlaq mualliflik huquqlarini beradi;
13.1.4. Tashkilotchi va (yoki) Buyurtmachi va (yoki) Texnik hamkor Ishtirokchi bilan bog‘liq materiallarni ommaviy axborot vositalariga, Saytga, Internet tarmog‘iga joylashtirishdan oldin Ishtirokchi bilan oldindan kelishmagan holda tahrir qilish huquqini o‘zida saqlab qoladi;
13.2. Aksiya Tashkilotchisi o‘z xohishiga ko‘ra, Ishtirokchilarga sabablarini tushuntirmasdan va ular bilan yozishmalar olib bormasdan Aksiya Ishtirokchilarining har qanday harakatlarini haqiqiy emas deb topishga, shuningdek, Aksiyada ularning keyingi ishtirok etishini taqiqlash, Ishtirokchi ma’lumotlarni soxtalashtirishi yoki ma’lumotlarning har qanday soxtalashtirilishidan foyda olishga harakati bo‘yicha Tashkilotchida asosli shubhalar yuzaga kelgan har qanday shaxsga Sovrin berishni rad etish huquqiga ega.
13.3. Aksiyada ishtirok etgan holda har bir Ishtirokchi amal qilish muddati cheklamagan holda Buyurtmachi, Tashkilotchi va ular vakolat bergan shaxslar tomonidan kelgusida SMS xabarlar, yangiliklar va boshqa axborot/reklama xabarlarini (tarqatmalarni) o‘z mobil telefoni raqamiga, e-mail manziliga qabul qilinishiga rozilik beradi.
13.4. Ishtirokchi istalgan vaqtda splat.havas@gmail.com elektron pochta manziliga tegishli yozma xabar yuborish orqali ushbu ma’lumotni olishni rad etishga haqli.
13.5. Ushbu Qoidalarni noaniq talqin qilishga imkon beradigan vaziyat hamda har qanday munozarali masalalar va/yoki ushbu Qoidalar bilan tartibga solinmagan masalalar yuzaga kelgan taqdirda, yakuniy qaror O‘z.R amaldagi qonunchiligi talablariga muvofiq Buyurtmachi tomonidan qabul qilinadi. Barcha da’volar va nizolar Buyurtmachi tomonidan qabul qilinadi.
13.6. Ushbu Qoidalarda nazarda tutilmagan boshqa barcha holatlar bo‘yicha Aksiya Tashkilotchisi/Operatori/Buyurtmachisi/Texnik hamkori, Aksiya Ishtirokchilari O‘z.R amaldagi qonunchiligiga rioya qiladilar.